لحظة دخولنا الميدان .. لحظة غير كل إللي فات وإللي جاي .. لحظة مقدسة غالية زي إللي داخل كعبته بعد شوق وصبر وإيمان .. مهما دخلنا الميدان بعدها مرات ومرات مستحيل إحساسنا يتكرر .. ماهو لكل حاجة بتتولد جوانا إحساس زي البصمة ما يتزيفش .. زي أول شربة مية بعد أول صيام وإحنا لسة صغيرين .. زي أول حضن من أول حبيب حتى لو كان حضن خايف مستعجل بيرتعش من البرد على شط النيل .. زي أول أحمر شفايف محرم يتحط في الطريق من المدرسة بإيدين مهزوزين .. أول صلاة للحب في كل ملة وكل دين .. ساعتها خافت عيوني لما طافت في الميدان تدوّر عليك ومالقيتكش .. حتى النَفَس الطالع من جوايا مشتاق لعينيك .. يا ترى عبرت الجسر وللا لسة ؟ الأرض تحتي بتميل عليّ .. وريحة دخان الغاز خدّرت آخر مقاومة فيّ .. خلاص .. أنا استسلمت .. وقبل ما أعلن عن هزيمتي وأداري في الأرض خيبتي كانت كفوفك .. وكان معاها أول حروفك .. إنتي كويسة ؟ عرفت ساعتها ليه أنا من زمان حبيت اللغة العربية وعشقتها .. عشان في اللحظة دي أسمع حروفها وأعدّها وأتأمل معانيها من شفايف شاب أسمر عروقه غازلة على الجبين "حُر" .. يااااه .. كنت فين من زمان ؟ ده أنا كنت قربت أنسى طعم المية .. مديت إيدية .. كنت عاوزة ألمسك .. يمكن أقدر أستوعبك وأصدق إنك بجد في اللحظة دية .. بحق وحقيقي مش خيال .. مش محال .. منعني خجلي وعجزي وضعفي .. حتى لساني جِه عليّ .. ابتسمت لما حسيت بالأمان .. شاورت بعينية إن كل شئ تمام .. رديت على ابتسامتي بابتسامة الخلاص .. خلاص .. أنا حبيت الميدان ..
نامي بصدري أنتِ أروعُ طِفلةٍ
ردحذفنامي بصدري وارصُدِي أحلامي
في كلِّ حُلمٍ تَسكُنينَ حبيبتي
في كلِّ حرفٍ أنتِ في أيامي
في كلِّ نبضٍ في فؤادي
فاسكُني في نِنِّ عيني
في نُخاعِ عِظامي
هَيَّا ارقُبيني حينَ أكتُبُ مُنيَتي حتى تَرَيْ ما سِرُّ إلهامي ؟
لو أنني أفنَى ، ولا يَبقى أثَرْ سيفوحُ طِيبُكِ مِن حُطامِ حُطامي
__$$$$$$$$______$$$$$$$$$
_$$$$$$$$$$$$__$$$$$$(¯`v´¯)$
$$$$$$$$$$$$$$$$$$$$(¯`(●)´¯)$
$$$$$$$$$$$$$$$$$$$$$(_.^._)$$
$$$$$$$$$$$$$$$$$(¯`v´¯)$$$$$
_$$$$$$$$$$$$$$$(¯`(●)´¯)$$$
___$$$$$$$$$$$$$$(_.^._)$$
______$$$$$$(¯`v´¯)$$$$$
________$$$(¯`(●)´¯)$$$
___________$(_.^._)$$
____________$$$$$$
مبدعة وأكثر من رائعة
ردحذفبالتوفيق دوما