من فترة كنت قررت أكتب تجربتي في منع السكريات والنشويات ومنتجات الألبان والبقوليات واستبدالهم ببعض البدائل الصحية .. الحقيقة أنا كنت باعمل دا لمشكلة صحية مالهاش علاقة بالتخسيس بس من نتايج النظام دا إني خسيت فعلا وشهيتي قلت كتير مع الوقت ..!
في الأول أحب أقول دا نظام اتبعته عشان أرجع التوازن الطبيعي لجسمي مابين الفطريات والبكتريا النافعة وإللي فشل الدكاترة إنهم يعملوه بالأدوية ودا أثر على حياتي لفترة طويلة جدا مش هادخل في تفاصيلها لكن باقول دا عشان مايجيش دكتور يقولي نظامك غلط ومش مبني على حقائق علمية!
النظام دا مش بانصح بيه حد لكن باكتب التجربة للي حابب يستفيد منها وادخلوا واعملوا سيرش في جوجل ماتاخدوش كلامي مسلم بيه .. عن علاج فرط نمو الكانديدا في الجسم
أولا إللي ساعدني في البعد عن السكريات والكافيين ع الأخص إني عملت في البداية صيام الماء ودا لمدة أسبوع وبعدها ريحت أسبوع وبعدين صيام ماء تاني لمدة ١٠ أيام .. منعت فيهم تماما الأكل وأي سوائل غير المية وأي أدوية كنت باخدها قللتها تدريجي قبل المنع
موضوع صيام الماء دا تجربة في حد ذاتها كانت مفيدة جدا بالنسبة لي .. من أهم الحاجات إنها قضت تماما على الإمساك المزمن إللي كان بيضطرني آخد ملينات كل يوم .. ونوبات الربو "ضيق التنفس" إللي كانت ملازماني اختفت .. وفقدت شهيتي للسكر والكافيين إللي كانوا إدمان ..
أداء جسمي كله اختلف بعد صيام الماء وعن التجربة دي كتبت تدوينة فيها كل التفاصيل للي حابب يقراها
http://sho7na.blogspot.com/2019/07/blog-post_37.html?m=1
والمجموعة دي ع الفيسبوك ساعدوني كتير لفهم صيام الماء للي حابب يفهم أكتر
https://www.facebook.com/groups/158334984363467/permalink/768850753311884/
خلصت صيام الماء ودخلت النظام الغذائي فورا للقضاء على فرط نمو الكانديدا في جسمي وطبعا إللي صيام الماء قضى على جزء كبير منه .. النظام كان قائم على :
١_ خنق فطر الكانديدا عن طريق تجويعها
٢_ تقوية نظام المناعة ٣_ زيادة البكتريا النافعة في الجسم
ببساطة كان لازم أمنع السكريات ماعدا ثمرتين فاكهة في اليوم ذات المعدل الجلايسيمي المنخفض .. زي التفاح الأخضر والخوخ والكمثرى والفراولة والتوت والأفوكادو .. واستبدال السكر بسكر ستيفيا الأخضر يعني باجيب الأعشاب مجروشة وأغليها في مية واستخدم السائل دا في التحلية
والنشويات بأكملها ممنوعة رز وبطاطس والدقيق الأبيض والبني والشعيرحتى الشوفان والذرة والرز البني وخلافه .. مسموح بس بالكينوا وحاجة تانية اسمها الدخن mellet بيتعملوا زي الرز وبيبقوا أشبه بالكسكسي كدا وممكن يتطحنوا ويتعمل منهم كريب أو أي معجنات ..
حبيت الدخن أكتر من الكينوا وكمان هو أرخص تقريبا النص فبيكون أوفر وطعمه مستساغ جدا
منتجات الألبان كلها ممنوعة عشان سكر اللاكتوز طبعا ومادة الكازيين الداعمة للفطريات .. ممكن استبدال اللبن الحليب بلبن اللوز أو لبن جوز الهند .. لبن جوز الهند كان مستساغ أكتر وأوفر بالنسبة لي وكنت باعمله في البيت موجود ع اليوتيوب ..
المكسرات مسموح بس باللوز وعين الجمل الباقي بيدعم الكانديدا فممنوع .. ولازم يبقوا ني مش متحمصين ولا عليهم ملح
الخضار كله مسموح بس الجزر والبسلة نقللهم وبلاش البطاطس طبعا ولا القرع يعني الخضار المسموح إللي المعدل الجلايسيمي بتاعه منخفض زي الفاكهة برضه ..
ممنوع الزيوت المكررة تماما مسموح بس بزيت الزيتون وجوز الهند والسمسم وبذر الكتان .. ممنوع الملح المكرر ومسموح بالملح البحري غير المكرر وملح الهيمالايا .. ممنوع الكافيين حتى الشاي الأخضر وطبعا الكاكاو .. مسموح بالقرفة والجنزبيل والنعناع والينسون وأي أعشاب مافيهاش كافيين
طبعا ممنوع النشا تماما والفانيليا لأن عليها سكر وأي حاجة بتدعم الكانديدا زي الخميرة والبيكنج باودر واستبدالهم بالبيكنج صودا .. ممنوع المشروم تماما .. وممنوع الفاكهة المجففة زي الزبيب .. وممنوع الخل واستبداله باللمون ..
لتقوية جهاز المناعة ممنوع أي معلبات للبعد عن المواد الحافظة .. البيض البلدي أفضل من البيض العادي عشان مافيهوش هرمونات .. وممنوع السمك البلطي والبوري بتوع المزارع والنيل .. جميع اللحوم مسموح بيها فراخ وأرانب وحمام ولحوم حمراء ..
الطحينة مسموح بيها بس كنت باعملها في البيت من السمسم منعا لأي إضافات ممكن تكون على الجاهزة ومش مكتوبة زي النشا مثلا وكمان باعملها بزيت الزيتون لأن الزيوت التانية ممنوعة والطريقة على اليوتيوب ..
نيجي للأدوية .. ممنوع بتاتا أي مضادات حيوية إلا في الحالات القصوى .. وكمان الكورتيزون وأي هرمونات .. وكنت باخد فيتامين سي ١٠٠٠ يعني حبيتين كل يوم لتخليص الجسم من سموم موت فطر الكانديدا وتقليل الأعراض السخيفة بتاعته ! وكمان بروبايوتك لزيادة البكتريا النافعة..
كمان أخدت فيتامينات متنوعة للكالسيوم وفيتامين d والزنك والماغنيسيوم بس من غير حديد لأن الحديد معاه حاجة بتدعم الكانديدا فالأحسن ناخده من مصادر طبيعية وكمان أخدت b12 .. أغلب الفيتامينات كنت باجيبها من برة عشان مايكونش عليها مادة الجلوتين !
مادة الجلوتين مؤذية جدا للجهاز الهضمي وبتسبب موضوع الكانديدا دا وسبب أغلب حساسيات الجسم الغذائية وبتبقى موجودة في دقيق القمح وحبوب كتير بتبقى ملوثة بيها وبتدخل في صناعات كتير كمادة حافظة !
الجروب دا لدعم مرضى الكانديدا في مصر
https://www.facebook.com/groups/553133085072983/
النظام الغذائي دا استمريت عليه سنة الحقيقة مناعتي ارتفعت جدا وكنت باخس كيلو كل شهر وعملت تحليل بعد بدايته بأسبوعين لقيت الكانديدا نتيجتها سلبية بس كان لازم أستمر عشان أتأكد إنها ما تزيدش تاني .. ولما حاولت أرجع منتجات الألبان رجعتلي أزمات الربو فبطلتها .. والهضم اتحسن كدا كتير ..
وأثناء النظام دا لجأت للصيام المتقطع كمان بالصدفة كنت باكل ٦ ساعات وأصوم عن الأكل ١٨ ساعة والحقيقة ريحني جدا وماكنتش باجوع ومحددة وجباتي بالظبط ..
في البداية كنت تايهة ومش عارفة آكل إيه حرفيا بس التجرية علمتني أعمل وجبات صغيرة وأشيلها في الفريزر عشان أبقى عارفة هاكل إيه بكرة .. عملت محشي الكوسة والباذنجان والفلفل باللحمة المفرومة والخضار المبشور .. عملت كوسة باشميل بلبن جوز هند ودقيق الدخن
عملت بعد كدا نوع كيك هايل لما بقى مسموحلي بموزة في اليوم .. عملت الكريب بالشاورمة وبالكفتة المشوية .. عملت بسكويت حادق للنقنقة ببذر الكتان ..
الحاجة أم الاختراع ! واليوتيوب بينفع كتير مع تغيير بعض المكونات ..
في النهاية أنا باكتب تجربتي الخاصة للي عاوز يستفيد ودا مش معناه إني بانصح بيها أنا مش دكتورة وكل واحد غير التاني .. ولجأت للنظام دا بعد معاناة مع الدكاترة والعلاجات ومافيش نتيجة للأسف فكان لازم أجرب علاج مختلف وأتحمل مسؤوليته كاملة وأي حد حابب يجرب عليه تحمل نفس المسؤولية ..
بس الأهم هنا من التجربة دي إن إللي بيحاول يخس وحاسس بصعوبة يعرف إن فيه بدائل لكل حاجة وبشوية صبر وإرادة هيقدر .. أي نظام غذائي صحي مكلف عن العادي .. بس الصحة لما بتقع بتكلف أكتر ماديا ومعنويا .. ربنا يشفي الجميع 🙏
في الأول أحب أقول دا نظام اتبعته عشان أرجع التوازن الطبيعي لجسمي مابين الفطريات والبكتريا النافعة وإللي فشل الدكاترة إنهم يعملوه بالأدوية ودا أثر على حياتي لفترة طويلة جدا مش هادخل في تفاصيلها لكن باقول دا عشان مايجيش دكتور يقولي نظامك غلط ومش مبني على حقائق علمية!
النظام دا مش بانصح بيه حد لكن باكتب التجربة للي حابب يستفيد منها وادخلوا واعملوا سيرش في جوجل ماتاخدوش كلامي مسلم بيه .. عن علاج فرط نمو الكانديدا في الجسم
أولا إللي ساعدني في البعد عن السكريات والكافيين ع الأخص إني عملت في البداية صيام الماء ودا لمدة أسبوع وبعدها ريحت أسبوع وبعدين صيام ماء تاني لمدة ١٠ أيام .. منعت فيهم تماما الأكل وأي سوائل غير المية وأي أدوية كنت باخدها قللتها تدريجي قبل المنع
موضوع صيام الماء دا تجربة في حد ذاتها كانت مفيدة جدا بالنسبة لي .. من أهم الحاجات إنها قضت تماما على الإمساك المزمن إللي كان بيضطرني آخد ملينات كل يوم .. ونوبات الربو "ضيق التنفس" إللي كانت ملازماني اختفت .. وفقدت شهيتي للسكر والكافيين إللي كانوا إدمان ..
أداء جسمي كله اختلف بعد صيام الماء وعن التجربة دي كتبت تدوينة فيها كل التفاصيل للي حابب يقراها
http://sho7na.blogspot.com/2019/07/blog-post_37.html?m=1
والمجموعة دي ع الفيسبوك ساعدوني كتير لفهم صيام الماء للي حابب يفهم أكتر
https://www.facebook.com/groups/158334984363467/permalink/768850753311884/
خلصت صيام الماء ودخلت النظام الغذائي فورا للقضاء على فرط نمو الكانديدا في جسمي وطبعا إللي صيام الماء قضى على جزء كبير منه .. النظام كان قائم على :
١_ خنق فطر الكانديدا عن طريق تجويعها
٢_ تقوية نظام المناعة ٣_ زيادة البكتريا النافعة في الجسم
ببساطة كان لازم أمنع السكريات ماعدا ثمرتين فاكهة في اليوم ذات المعدل الجلايسيمي المنخفض .. زي التفاح الأخضر والخوخ والكمثرى والفراولة والتوت والأفوكادو .. واستبدال السكر بسكر ستيفيا الأخضر يعني باجيب الأعشاب مجروشة وأغليها في مية واستخدم السائل دا في التحلية
والنشويات بأكملها ممنوعة رز وبطاطس والدقيق الأبيض والبني والشعيرحتى الشوفان والذرة والرز البني وخلافه .. مسموح بس بالكينوا وحاجة تانية اسمها الدخن mellet بيتعملوا زي الرز وبيبقوا أشبه بالكسكسي كدا وممكن يتطحنوا ويتعمل منهم كريب أو أي معجنات ..
حبيت الدخن أكتر من الكينوا وكمان هو أرخص تقريبا النص فبيكون أوفر وطعمه مستساغ جدا
منتجات الألبان كلها ممنوعة عشان سكر اللاكتوز طبعا ومادة الكازيين الداعمة للفطريات .. ممكن استبدال اللبن الحليب بلبن اللوز أو لبن جوز الهند .. لبن جوز الهند كان مستساغ أكتر وأوفر بالنسبة لي وكنت باعمله في البيت موجود ع اليوتيوب ..
المكسرات مسموح بس باللوز وعين الجمل الباقي بيدعم الكانديدا فممنوع .. ولازم يبقوا ني مش متحمصين ولا عليهم ملح
الخضار كله مسموح بس الجزر والبسلة نقللهم وبلاش البطاطس طبعا ولا القرع يعني الخضار المسموح إللي المعدل الجلايسيمي بتاعه منخفض زي الفاكهة برضه ..
ممنوع الزيوت المكررة تماما مسموح بس بزيت الزيتون وجوز الهند والسمسم وبذر الكتان .. ممنوع الملح المكرر ومسموح بالملح البحري غير المكرر وملح الهيمالايا .. ممنوع الكافيين حتى الشاي الأخضر وطبعا الكاكاو .. مسموح بالقرفة والجنزبيل والنعناع والينسون وأي أعشاب مافيهاش كافيين
طبعا ممنوع النشا تماما والفانيليا لأن عليها سكر وأي حاجة بتدعم الكانديدا زي الخميرة والبيكنج باودر واستبدالهم بالبيكنج صودا .. ممنوع المشروم تماما .. وممنوع الفاكهة المجففة زي الزبيب .. وممنوع الخل واستبداله باللمون ..
لتقوية جهاز المناعة ممنوع أي معلبات للبعد عن المواد الحافظة .. البيض البلدي أفضل من البيض العادي عشان مافيهوش هرمونات .. وممنوع السمك البلطي والبوري بتوع المزارع والنيل .. جميع اللحوم مسموح بيها فراخ وأرانب وحمام ولحوم حمراء ..
الطحينة مسموح بيها بس كنت باعملها في البيت من السمسم منعا لأي إضافات ممكن تكون على الجاهزة ومش مكتوبة زي النشا مثلا وكمان باعملها بزيت الزيتون لأن الزيوت التانية ممنوعة والطريقة على اليوتيوب ..
نيجي للأدوية .. ممنوع بتاتا أي مضادات حيوية إلا في الحالات القصوى .. وكمان الكورتيزون وأي هرمونات .. وكنت باخد فيتامين سي ١٠٠٠ يعني حبيتين كل يوم لتخليص الجسم من سموم موت فطر الكانديدا وتقليل الأعراض السخيفة بتاعته ! وكمان بروبايوتك لزيادة البكتريا النافعة..
كمان أخدت فيتامينات متنوعة للكالسيوم وفيتامين d والزنك والماغنيسيوم بس من غير حديد لأن الحديد معاه حاجة بتدعم الكانديدا فالأحسن ناخده من مصادر طبيعية وكمان أخدت b12 .. أغلب الفيتامينات كنت باجيبها من برة عشان مايكونش عليها مادة الجلوتين !
مادة الجلوتين مؤذية جدا للجهاز الهضمي وبتسبب موضوع الكانديدا دا وسبب أغلب حساسيات الجسم الغذائية وبتبقى موجودة في دقيق القمح وحبوب كتير بتبقى ملوثة بيها وبتدخل في صناعات كتير كمادة حافظة !
الجروب دا لدعم مرضى الكانديدا في مصر
https://www.facebook.com/groups/553133085072983/
النظام الغذائي دا استمريت عليه سنة الحقيقة مناعتي ارتفعت جدا وكنت باخس كيلو كل شهر وعملت تحليل بعد بدايته بأسبوعين لقيت الكانديدا نتيجتها سلبية بس كان لازم أستمر عشان أتأكد إنها ما تزيدش تاني .. ولما حاولت أرجع منتجات الألبان رجعتلي أزمات الربو فبطلتها .. والهضم اتحسن كدا كتير ..
وأثناء النظام دا لجأت للصيام المتقطع كمان بالصدفة كنت باكل ٦ ساعات وأصوم عن الأكل ١٨ ساعة والحقيقة ريحني جدا وماكنتش باجوع ومحددة وجباتي بالظبط ..
في البداية كنت تايهة ومش عارفة آكل إيه حرفيا بس التجرية علمتني أعمل وجبات صغيرة وأشيلها في الفريزر عشان أبقى عارفة هاكل إيه بكرة .. عملت محشي الكوسة والباذنجان والفلفل باللحمة المفرومة والخضار المبشور .. عملت كوسة باشميل بلبن جوز هند ودقيق الدخن
عملت بعد كدا نوع كيك هايل لما بقى مسموحلي بموزة في اليوم .. عملت الكريب بالشاورمة وبالكفتة المشوية .. عملت بسكويت حادق للنقنقة ببذر الكتان ..
الحاجة أم الاختراع ! واليوتيوب بينفع كتير مع تغيير بعض المكونات ..
في النهاية أنا باكتب تجربتي الخاصة للي عاوز يستفيد ودا مش معناه إني بانصح بيها أنا مش دكتورة وكل واحد غير التاني .. ولجأت للنظام دا بعد معاناة مع الدكاترة والعلاجات ومافيش نتيجة للأسف فكان لازم أجرب علاج مختلف وأتحمل مسؤوليته كاملة وأي حد حابب يجرب عليه تحمل نفس المسؤولية ..
بس الأهم هنا من التجربة دي إن إللي بيحاول يخس وحاسس بصعوبة يعرف إن فيه بدائل لكل حاجة وبشوية صبر وإرادة هيقدر .. أي نظام غذائي صحي مكلف عن العادي .. بس الصحة لما بتقع بتكلف أكتر ماديا ومعنويا .. ربنا يشفي الجميع 🙏
